السبت، 18 يونيو، 2011

شعر - مش حاقول



مش حاقول إن أنت أمى
وإن نيلك يبقى دمى
والشهيد هو أخويا
كفكفى دمعك ودمعى
وحطى همك ويا همى
ويالا ندهن الدنيا بويا
بويا حمرا زى دمى
بويا بيضا جوه قلبى
بويا سودا على اللى قتل أخويا
كفكفى دمعك ودمعى
ويالا نبدأ يوم جديد
نستنى فيه الفرح السعيد
يوم رجوعك حامية لينا
تحضنينا بين رموشك
وتهش عنا وحوشك
وتدفينيهم فى نعوشك
أوتطرديهم من السفينة
نمشى فى بحر الحياة
نرسم للحب  مداه
تحت راية العزيمة
فنبنى فوق ترابك أجمل مدينة
أساسها مبنى على العدالة
وفى هواها عبير الكرامة
تنشر الخير الوفير
بين الصغير والكبير
مش حاقول إن أنت أمى
لأنك يا مصر عندى
ملكيش شبيه أو مثيل