قالك الشباب مش عارف يمشى نفسه!
طيب بمقاييس مين؟!
قالك مقاييسى أنا!
طيب هى حياتك ولا حياة الشباب؟!
قالك مفيش أى تطور!
طيب تطور من أى نوع؟
قالك تطور اقتصادى علمى اجتماعى
طيب ما لما الشباب كان عايز يطور نفسه علميا طالبتوه يشتغل ولما اشتغل مفيش فرصة يطور نفسه غير إذا ساب الشغل وإذا ساب الشغل تقولوا هو حد لاقى شغل؟! وممكن بعد ما يطور نفسه ميلاقيش شغل يناسب قدراته الجديدة!
تطور اقتصادى
شباب بيشتغل 10 س...اعات وفى اللى بيشتغل 12 يطور نفسه اقتصاديا إزاى؟! يشتغل شغلانة تانية امتى؟!
تطور إجتماعى
دائرة حياته مع شغله مش مخليه عنده فرصة ولما يحب يكسر الدائرة يتقاله بطل تنطيط!
قالك مفيش سعى!
طيب ما الشباب بيسعى بطريقته
قالك مفيش نتيجة!
طيب هى النتيجة عشان نوصلها مش لها أطراف واﻷطراف دى لها تركيبتها وعقدها!
قالك كل ورد وله شوكه
طيب ما هو عشان نستحمل الشوك لازم نلاقى الورد ولا ايه؟!
قالك دماغك غلط
أنا مجنون
وأحب اسمع أغنية الدربندوخ
https://soundcloud.com/mahmoud-ahmed-noralla/87mnwl9omibl
الدربندوخ الدربندوخ كنا شباب و بقينا شيوخ
روح يا شخشوخ و تعالى يا شمروخ
نططنا نططنا نططننا من بنها لطوخ
ايه الدربندوخ الدربندوخ
كنا شباب و بقينا شيوخ
اطلع بصروخ و انزل بصاروخ
بالعهد اللى عليك منسوخ
احرق شخشوخ اولد تختوخ
بشبابه بشبابه القوة تدوخ
