طبعا فى ناس علقت على الحلقة الأولى ونصحونى أن لو بنت الحلال
موجودة
ايوه
اتعدل على القبلة واتوكل على الله ومحسبش كتير
طب دى لوحدها مشكلة أكبر من كل اللى اتكلمنا فيه
وكنت بتكلم مع الحاج وبقوله .......... ولا أقولك اقرؤ أحسن
---------------------------------------------------------------------------
عدت ثلاث سنوات على موضوع العروسة الأولى بعد ما أقنعتهم
أنى لازم اعتمد على نفسى وأحاول أكون نفسى ويكون عندى خبرة عملية دون ضغوط
عام 2006
أسماء اتخرجت ورجعت شرم الشيخ وطبعا أنا مقيم فى شرم الشيخ
خلصت وجت تتأمر عليا هى وفاطمة أختى الصغيرة
ازاى
فاطمة : ماما أنا عايزة عيال صغيرة ألعب معاهم
ماما : ان شاء الله لما سامح يتجوز وربنا يكرمه ويخلف ابقى العبى مع عياله
فاطمة ومحمد (تؤام) دخلوا عليا الأوضه
محمد : سامح أحنا عايزينك تتجوز؟
أنا : ليه كده بس يا حبيبى
فاطمة : أصل احنا عايزين عيال صغيرة نلعب معاهم شكلهم جميل قوى وهم صغيرين
باسم : أنت عارف يا محمد لو سامح اتجوز ايه اللى حيحصل؟
محمد: ايه؟
باسم : سامح حيعيش فى بيت تانى
والحاجات الحلوة اللى بيجبهالك مش حيجبهالك كل يوم زى دلوقتى
وكمان العيال الصغيرة حتقولك يا عمو
محمد وهو بيضحك ومبسوط : حيقوللى يا عمو؟ أنا ؟
باسم : اه وساعتها بقى يقوللك يا عمو عايزين عيدية ولعب وشيكولاته و ........ ايه رأيك؟
محمد : لا أوعى يا سامح يا حبيبى تتجوز
أنا ابنك
بطة : انا مليش دعوة لازم تتجوز أنا عايز فرح فى البيت
ماما: ما هو مينفعش تقعد كده من غير جواز
أسماء : الحق اتجوز قبل ما شعرك يطير
أنا : يا بنتى ده بيطير من كتر الذكاء هههههههه
بابا : سامح احنا بنتكلم جد أنت دلوقتى بقى عندك 24 سنة وعلى ماتخطب وتيجى تتجوز سنتين كمان
يبقى عندك 26 سنة وده سن مناسب للجواز وعروستك عندى
سامح : كمان طيب ما تكتبوا الكتاب وتبقوا تبلغونى أحسن
بابا : مش تعرف مين الأول؟
أنا : مين يا حج؟
بابا : واحدة من البلد بنت واحد من الأقارب؟
أنا : لا يافتح الله
جواز القرايب دايما بيبقى فيه مشاكل عائلية ومشاكل وراثية
أسماء : طيب ايه رأيك فى جودى صحبتى؟
أنا : والله أنا معرفهاش
بابا : لا
أسماء : ليه بقى يا سى بابا؟
بابا : أولا مش من البلد وأنا بفضل أنو يتجوز من البلد
ثانيا بلدهم كلهم عصبيين وأخوك عصبى مينفعش
أسماء : أنت مش موافق يا سامح؟
أنا : يا ستى أنا معنديش مانع بس
لازم بابا وماما يوافقوا
أسماء : أنت متعرفش تتمسك برأيك؟
أنا : يا بنتى هو أنا أعرفها؟أنا شوفت صورتها وأنت بتشكرى فيها
ومن الأخر أنا عشان اتمسك برأى واصمم عليه
لازم يكون فى علاقة سابقة يعنى مثلا
زميلتى فى الشغل وعارف عنها كل حاجة وعارف بتحب ايه تكره ايه
فى قصة حب مثلا ففى شئ يجبرنى أنى اتمسك بيها
إنما ما دام أنا مليش زميلات ولا عايش قصة حب يبقى لازم الإختيار يكون طبقا للقاعدة التالية
أنا مش حتجوز حد أبويا وامى مش موافقين عليه بس فى نفس الوقت مش حتجوز حد مجاملة
لازم أكون مقتنع بيه
بابا : أسماء قفلى بقى على الموضوع
باسم : طيب ايه رأيك يا سامح فى أخت عماد صاحبك؟
أنا : والله هو انسان محترم ومن بيت ممتاز كمان ويعتبروا زينا بالظبط
بس أنا مش شوفتش أخته أقبل كده
أسماء : أنت يا ابنى مش بتروح عندهم البيت؟
أنا : يا عينى هو أنا دخلت بيت حد أقعد اتفحص اللى فيه
بابا : والله انتوا بتحكوا عنه كتير وواضح أنهم ناس محترمين
أسماء : غريبة ! ماهى دى مش من البلد يا بابا ومن بلد بعيدة عننا بساعتين
بابا : والله أخوك عارف أخوها كويس ويعرف أهلها
ماما : خلاص لو أنت موافق يا سامح تتصل بيه وتحدد معاه ميعاد وتروحله؟
أنا : بصى يا حجة أنا بصراحة بتحرج من المواقف دى
باسم : خلاص ياعم أنا حأكلمه فى التليفون وحدد معاه ميعاد ونروح أنا وأنت وأسماء؟
أسماء : أنا أروح ليه ان شاء الله أنا معرفهمش
ماما : ما هو يتروحى أنت يا اروح أنا
البنت متعرفهاش غير بنت زيها
وعشان الموضوع ما ياخدش الوضع الرسمى
لحد لما نشوف فى قبول منها ومن أهلها ومن أخوك نبقى نروح كلنا
أسماء : ماشى
طبعا روحنا الزيارة وحابقى اكمل موضوع الزيارة المرة الجاية
--------------------------------------------------------------------------------
زى ما قرأتم وجود مشكلة كبيرة فى الإختيار
فأنا لست من يختار !!!!!!!!!
كل اللى فالبيت عليهم الإختيار وأنا على القبول أو الرفض
طبعا فى ناس حتستغرب الموقف ده وتتعجب!
وقد يتهمنى البعض بعدم استطاعتى على الإختيار
وهذا بعيد كل البعد فلو أمعنتم فى الحوار مرة أخرى
ستعلموا أنى ليست لى علاقة بأى شكل من الأشكال مع الطرف الآخر
ولذلك أحاول دائما أن يكون اختيارى من النطاق المحيط بى
سواء من الأصدقاء أو المعارف ولكن كل شئ قسمة ونصيب وحتلاقوا ده فى الحلقات الجاية
فى أيام المدرسة كانوا يعتقدون أنى ضد المرأة
وهذا خطأ أن ضد السطحية أينما وجدت سواء بنات أو ولاد
فى أيام الكلية اللى معظم الناس بتعتبرها فترة غرام وانتقام
لم يكن فى المحيط المقرب لى فتيات
فى فترة العمل لم يعمل معى فتيات مصريات فقط أجانب حتى تاريخه
بعد الشغل معظم الوقت فى البيت أو مع أصحابى
فأين ذلك المجال للإختيار أو الإعجاب والإرتباط العاطفى؟
ايه ياعم انت مفيش اجازات؟
إجازة مرة فى السنة لا تتعدى 15 يوم أقضيها فى بلدتنا وهى قرية
سودتها كلها وسديت كل الطرق
والله أنا بقول الحقيقة
يعنى عايز تفهمنا أنك ما حولتش يبقى ليك علاقة حب مع الطرف الآخر؟
ابقى كداب لو قلت أنى ما فكرتش فى ده مع بعض المحاولات
لكن دايما كان فى حاجات بتمنعنى زى التربية والدين - داين تدان - عشان كده معظمه إعجاب وأن وجد فحب من طرف واحد يعنى
فى ناس حتقول معقد وناس حتقول ده بيكسف يا خراشى
أنا إنسان عادى جدا وسط فى معظم الأشياء بس بحب أضع قواعد وأسس أمشى عليها
أحيانا أصيب وأحيانا أكون مخطئ
والله أعلم
طولت عليكوا معلش ده من عشمى
وقدركوا أنكوا أصدقائى
ولا ايه
إلى اللقاء فى الحلقة القادمة إن شاء الله
**********
تمت كتابة هذا الموضوع يوم 21/09/2010
**********
تمت كتابة هذا الموضوع يوم 21/09/2010
تعليقات الأصدقاء على الحلقة
أحمد: ما أنت اللى غلطان كان عندك زميلاتك فى الجامعة تختار منهم
سامح : با بيه اللى ميعرفش يقول ايه برافو عليك
يقول عدس ساعتك خاطب وأنت فى الكلية أما بالنسبة أن الموضوع مكنش فى
دماغى
طبعا غلطان لأنى انسان واقعى بحب أحسب كل خطوة قبل أن أخطوها ورغم ذلك خيالى بدرجة فظيعة ولكن لم أسمح من قبل لخيالى أن يقودنى وبما إن كل إنسان لازم يتغير قررنا أن نغير التعامل فى هذا الموضوع ومنحسبهاش جايز اكون غلطان وانا اللى حنبلى ومحبكها تلات أربع حبات وبكره نشوف أى الرأيين كان على حق واقعيتى أم خيالى؟
طبعا غلطان لأنى انسان واقعى بحب أحسب كل خطوة قبل أن أخطوها ورغم ذلك خيالى بدرجة فظيعة ولكن لم أسمح من قبل لخيالى أن يقودنى وبما إن كل إنسان لازم يتغير قررنا أن نغير التعامل فى هذا الموضوع ومنحسبهاش جايز اكون غلطان وانا اللى حنبلى ومحبكها تلات أربع حبات وبكره نشوف أى الرأيين كان على حق واقعيتى أم خيالى؟
أسماء : يا جماعة انا رأي في الموضوع ده
اللي ينفع انك تدبس وقت الجامعه وتخلص
ليه بقي عشان وقت الجامعة مش هتحسبها هتقع وتدبس وخلاص لكن بعد الكلية ومع الشغل وظروف الحياة هتحسبها ستين مرة قبل ما تاخد الخطوة دي
ليه بقي عشان وقت الجامعة مش هتحسبها هتقع وتدبس وخلاص لكن بعد الكلية ومع الشغل وظروف الحياة هتحسبها ستين مرة قبل ما تاخد الخطوة دي
