حد قال كمل
ألا أونو
حد قال انطق
ألا دواه
كمل يا سيدى صدع دماغنا
اتفضل سموك اتعطف واتكرم علينا واحكى
اشكركم اخجلتم تواضعنا
كفاكم تهليلا وتصفيقاً
الحقوا عجبكم كده اهو بدأ يصدق نفسه اهو
يالا ياض احكى بدل من حدفك بالطماطم
هى وصلت للطماطم
ماعلينا
-------------------------------------------------------------
ايوه افتكرت
تانى اتصلت والدتى بأم حلا واتفق على ميعاد للإتفاق على التفاصيل المادية
وفى الموعد المحدد ذهبت والدتى وأخى باسم
وبعد الترحيب والضيافات
ماما: بصى يا أم حلا احنا جايين النهاردة عشان نتمم موضوع جواز سامح
وحلا وعشان منرجعش نختلف بعدين احنا عايزين نعرف طلباتكم ايه؟
عشان كل حاجة تبقى على نور
أم حلا : والله ياأم سامح احنا مش حنلاقى أحسن منكم
وحلا بنتكم وسامح ابننا والماديات دى مش حنختلف عليها
باسم : والله كتر خيركم بس برده لازم نعرف عشان
احنا عايزين سامح لما ينزل كل حاجة تكون تمام
عبد المتعال أخو حلا: بص يادكتور احنا فى طلباتنا زى طلبات البلد
باسم : تمام سامح أخويا إمكانته إن الشبكة
فى حدود 15000 جنيه
والمؤخر 10000 جنيه
العفش احنا حنجيب أوضة نوم وأوضة أطفال وصالون والنجف والستاير
والفرح طبعا علينا
وأنتم عليكوا المطبخ والأجهزة الكهربائية والسجاد والخطوبة
عبد المتعال: معظم اللى بتقوله متفقين عليه بس الشبكة عشرين ألف والمؤخر عشرين ألف
باسم : والله حضرتك المفروض الشبكة دى هدية من العريس للعروسة
عبد المتعال : ما قلناش حاجة بس عشان تكون زى بنت عمها
باسم : كل واحد وله ظروفه
أم حلا : بصوا ياجماعة أنا عندى حل وسط الشبكة تبقى عشرين ألف والمؤخر خمستاشر ألف
باسم : والله مفيش مانع
ماما : لا لا يا أم حلا نخفض المبالغ دى شوية الشبكة حمستاشر والمؤخر اتناشر ألف
عبد المتعال : والله مفيش فرق يا حاجة زوديها شوية
باسم : خلاص ياماما زى ما قالوا عشرين وخمستاشر
ماما : اسكت أنت
باسم : احمم خلاص بقى يا حاجة متكسريش كلمتى
ماما : خلاص زى ما اتفقتم مش حتفرق
تمت بحمد الله مفاوضات البيع والشراء على خير
ماهو بالمنظر ده ملهاش مسمى تانى ولا ايه
طبعا كل اللى بيقرأ
حيقول خسارة فيك وانى ظالم
بس أنا اتفق معكم خسارة فيا
بس أنا عندى سبب تانى خالص
حتعرفوه كمان شوية
المهم قلت لنفسى ياواد سامح أنت
نازل البلد بعد 3 أيام روح اشترى شوية هدايا
عشان ابقى أخذهم معايا لما اروح لحلا زيارة
ماهو الترتيب اللى كان فى دماغى أنى طبعا
قبل قرأة الفاتحة أروح زيارتين تالتة
عشان نتعرف على بعض أكتر
الله أنت ياابنى مش كنت رافض الكلام ده ايه ده؟؟؟؟؟؟
بص يا باشمهندزين افهمكوا وجهة نظرى
اعتقد ممكن تكونوا لاحظتو أنها مترددة
دلوقتى فى فرق ان حلا تبقى عارفه ان الموضوع دخل فى الجد
أو أن الموضوع لسه بقى اشوفه وبعد كده افكر وتاخد وقت
يعنى من الأخر أنا كنت بقصر المسافات واكسب وقت
والأمور أبسط من البساطة
أنها كان قدامها وقت تفكر زى ماهى عايزة
وعشان اخليها تفكر كويس قبل ما تقول موافقة ولا لا
عشان لما انزل الإجازة تبقى كل الأمور واضحة
ومش أنا اللى كنت بتقدم هم اللى كانوا
بيتقدموا يعنى المفروض أنا اللى أفكر ولا ايه النظام
ماعلينا نكمل بقى الحكاية
محتاجك كده وأنت بتقرأ تتخيل أنك بتتفرج على فيلم رعب لوحدك
الجو ظلام دامس والجو بره البيت برق ورعد ومطر
تاتاتا
تاتاتا
قال ايه يا أختشى
حلا كلمت أسماء وقالتلها
حلا: بصى يا أسماء أنا غيرت رأيى
لازم اخوك يجى يزورنا الأول وبعد كده يا أوافق ياأرفض
نيههههههها ههههههههههههههههههههههههههههها
حلوة مش كده
عرفتوا بقى أنا كنت بقول هى فعلا خسارة فيا ليه
ههههههههههههههههههههههههههههههههههههههههههه
أسماء : اتصدمت وفجأة
بص يا حلا هو مكانش كلام عيل
وبناء على الكلام اللى اتفقنا عليه
والدتى وأخويا باسم راحو زاروكم فى البيت
أنتى كده بتحطينى فى موقف زى الزفت
طبعا عارفين ليه
عشان للمرة الألف باطلع صح
ابتسامة خبيثة قوى كمان
حلا : ليه بس؟
أسماء : هو ايه إلا ليه
أنت مش متخيلة لما اروح أقول لسامح الكلام ده حيقولى ايه
على فكرة سامح مكانش عايز يرجع يتقدم
بس احنا اللى قعدنا نضغط عليه عشان يوافق
متفتكريش يعنى انو كان حيموت عليكى
وأنا غلطانة أنى ادخلت فى الموضوع ده
أنا كنت فاكره أنك مثقفة وعارفة معنى انك تدى كلمة
وقبل تدى رد أنك تفكرى فيه كويسة
تصدق بالله سامح كان عنده حق أنك شخصية مترددة
كل شوية بحال
بعد كده ليلة نزولنا البلد الست أم حلا اتصلت بأسماء
أم حلا : ازيك ياأسماء
أسماء : أهلا ياطنط
أم حلا : بصى يا أسماء أنا الحج عبد الموجود الله يرحمه اتقدملى 4 مرات ورفضته
وفى الخامسة قبلت أنى اتجوزه وحلا لازم تحس أن أخوكى متمسك بيها
لا مش وقت استغراب خالص
فى الخلفية صوت أخت حلا : أنا اللى يقرب من أختى اكله بأسنانى
أم حلا : بصى يا بنتى الجواز قسمة ونصيب واحنا مش موافقين على الموضوع ده
انا فى الوقت ده كنت بره البيت بضبط هواء العجل وافول تانك البنزين وراجع مياه التبريد
ولما رجعت البيت أسماء حكت لى كل اللى فات ده
أنا طبعا ما تصدمتش لكن كنت محتار
هل أكون مبسوط لأن وجهة نظرى طلعت صح
ولا ابقى زعلان عشان الموضوع متمش على خير
وأسماء ليلتها كانت مضايقة أوى ومش عايزة تسافر
لكن مع اصرار بابا واصرارى وافقت تنزل البلد
كده طبعا المفروض الموضوع منتهى
بس فى مفاجأة
ايه
ايه
بعد شهرين عم حلا بعت بعض الوسطاء لمطالبتنا بالتقدم مرة تانية
تانية ايه قول تالتة
اشوفكم ان شاء الله فى الحلقة الجاية
********************
تمت كتابة هذا الموضوع يوم 29/09/2010
تعليقات الأصدقاء على الحلقة
إسماعيل : يمكن
يابنى عايزينك تتقدم للمرة الخامسة ما هيا أصلها وراثة الموضوع مش بإيديها
ياريت متتأخرش علينا فى الحلقة الجاية ونفسنا نشوف نهاية
سعيدة ذى الأفلام العربى
محمد : الجواز زى قفص الطماطم وأنت وحظك
سامح: عرفت ليه الواحد بيدور على وش القفص
إسماعيل: المفروض فعلا نحلل ظاهرة غلاء أسعار الطماطم
الكيلو فى مصر النهاردة بقى ب6 جنيه وأكيد فى شرم هتلاقيها بتتباع بالواحدة؟ كلنا
فى سلطة الحياة سواء الخيار أو الطماطم كله الحياة بتقطعه
سامح : والله أحنا شعب دمه خفيف واستحالة خفة الدم اللى
عندنا تضيع مننا فى يوم من الأيام دايما بتمتعنى بتعليقاتك الجميلة
وياسيدى سلطة الحياة بقى ملحها عالى أوى وخلها حامض ونبذة مختصرة افهمكم أنا حوار الأسعار
الحكومة بطبق نكتة القفا طبعا عارفينها أقولكم عليها واكسب فيكوا ثواب
فى يوم من الأيام فوجئ الريس بانخفاض شديد فى شعبيته
فنادى على نظيف وأقول مش نافع الكلام ده يا نظيف
ازى شعبيتى تنزل كده
نظيف: يا ريس سهلة جدا احنا كحكومة ننزل قرارات تعكنن على الشعب فى يخرجوا فى مظاهرات وقتها سعادتك تلغى كل القرارات دى
ووافق السيد الرئيس
القرار الأول كان زيادة الأسعار
فكل ما قام به الشعب المغوار أنه ضرب كف على كف
فالريس قالهم محصلش حاجة يعنى
نظيف متقلقش يا ريس فى قرار تانى
أى بنى آدم يعدى على الكوبرى يدفع فلوس وهو داخل وهو خارج
الشعب عمل ايه اقعد يولول زى الولاية ويحسبن على الحكومة
الريس شوفولى قرار تانى ده ايه الناس دى
نظيف فكر فى شئ يمس كرامة أى مواطن
أنهم بعد ما يدفعوا فلوس المرور من الكوبرى
ايوه
كل واحد يضرب على قفاه
فالريس قال استحالة الناس حتقبل بده
ونزل متخفيا ليرى رد فعل الناس
فوجد معظم الناس راضخة لما يحدث ولكن
فجأة سمع صوت مواطن يعترض
فذهب إليه وسأله انت متضايق ليه
قاله ما ينفعش كده
بقالى 3 ساعات واقف على الكوبرى
لازم الحكومة تشوفلها حل
ويزودا عدد اللى بيضربوا على القفا
ههههههههههههههههههههههههههههه
وعلى رأى ستمونى
ياحلو بانت لبتك
أول مادابت قشرتك
تحرم عليا محبتك
وراح اتوب عن سكتك
القلب منك مليان جفا
والحب من قلبى اتنفى
وضاع معاك كل الصفا
ضيعته بعنك يا قفا
آه ياقفا ياقفا
ماهو ده التجديد
عمرك شوفت ايوتها حد بيغنى للقفا
كلهم ياخويا بيغنوا للرموش والعيون
مع أن القفا ده مهم جدا
معاك حق القفا ده
طول عمره مظلوم
مع أنه متحمل كتير قوى فى الزمن ده
وياسيدى سلطة الحياة بقى ملحها عالى أوى وخلها حامض ونبذة مختصرة افهمكم أنا حوار الأسعار
الحكومة بطبق نكتة القفا طبعا عارفينها أقولكم عليها واكسب فيكوا ثواب
فى يوم من الأيام فوجئ الريس بانخفاض شديد فى شعبيته
فنادى على نظيف وأقول مش نافع الكلام ده يا نظيف
ازى شعبيتى تنزل كده
نظيف: يا ريس سهلة جدا احنا كحكومة ننزل قرارات تعكنن على الشعب فى يخرجوا فى مظاهرات وقتها سعادتك تلغى كل القرارات دى
ووافق السيد الرئيس
القرار الأول كان زيادة الأسعار
فكل ما قام به الشعب المغوار أنه ضرب كف على كف
فالريس قالهم محصلش حاجة يعنى
نظيف متقلقش يا ريس فى قرار تانى
أى بنى آدم يعدى على الكوبرى يدفع فلوس وهو داخل وهو خارج
الشعب عمل ايه اقعد يولول زى الولاية ويحسبن على الحكومة
الريس شوفولى قرار تانى ده ايه الناس دى
نظيف فكر فى شئ يمس كرامة أى مواطن
أنهم بعد ما يدفعوا فلوس المرور من الكوبرى
ايوه
كل واحد يضرب على قفاه
فالريس قال استحالة الناس حتقبل بده
ونزل متخفيا ليرى رد فعل الناس
فوجد معظم الناس راضخة لما يحدث ولكن
فجأة سمع صوت مواطن يعترض
فذهب إليه وسأله انت متضايق ليه
قاله ما ينفعش كده
بقالى 3 ساعات واقف على الكوبرى
لازم الحكومة تشوفلها حل
ويزودا عدد اللى بيضربوا على القفا
ههههههههههههههههههههههههههههه
وعلى رأى ستمونى
ياحلو بانت لبتك
أول مادابت قشرتك
تحرم عليا محبتك
وراح اتوب عن سكتك
القلب منك مليان جفا
والحب من قلبى اتنفى
وضاع معاك كل الصفا
ضيعته بعنك يا قفا
آه ياقفا ياقفا
ماهو ده التجديد
عمرك شوفت ايوتها حد بيغنى للقفا
كلهم ياخويا بيغنوا للرموش والعيون
مع أن القفا ده مهم جدا
معاك حق القفا ده
طول عمره مظلوم
مع أنه متحمل كتير قوى فى الزمن ده
إسماعيل: بلاش كلام فى السياسه ياعم سامح؟ أنت عارف إن
منصبى حساس ؟
سامح: ياباشا متقلقش إن شاء الله حمسكك وزارة الداخلية
يعنى مكانك محفوظ بس أهم حاجة تخلى بالك من الشعب دى أمانة
هشام: بص يا سيدى وما سيدك الا انا الأول هو كيلو الطماطم
بكام دلوقتى بخماشر ولا احداشر على العموم انت الى غلطان فى حد فى الدنيا يجوز
واحده اخوها اسمه عبدالمتعال يعنى ولادك يقولوا هااااااي خالو عبدالمتعال جه على
العموم نصيحتى ليكوا كلكم ماتخلوش باسم يتفق على حاجه تانى يعنى ايه شبكه ب 20000
ومؤخر زيهم يابنى روح اجوز هند صبرى ارخص ولا عيشه ارخص و ارخص مع اطيب امنياتى فى
تعليقات على عرائس جديده
مى : تردد تردد يعنى
أسماء : انا بقي اللي نفسي اشوف نهاية الفيلم ده ايه؟ وامتي
هشوفه؟
