الاثنين، 18 أبريل، 2011

شعر - احلم


أنا بحلم أيوه وأنا صاحى
مش جاهل لا ولا ساهى
 بالحلم بخفف أوجاعى
من غيره نموت بلا داعى
 حلمى  سر سكوتى
اخاف انطق يحبسو صوتى
 بغنى زى العصفور
مخفش يوم شقى ولا يوم نور
خدنا ايه من أيامنا
غير حيرة وألم واحزنا
قوم بقى وانسى أى جراح
متقولش زمنى عدى وراح
 اضرب همومك فى الحيط
فى ايه حيحصل مش فارق
ما أنت كل يوم فى مفارق
طريق يمرر أيامك
وطريق يحلى آلامك
احلم وافرد جناحاتك
ورفرف فى سما أحلامك
وزع على الدنيا ابتساماتك
تقدر على الدنيا وصعوباتك
اكسر حاجز الخوف من قدامك
متخافش يوم  انكساراتك
وسيبك بقى من أوهامك
 احلم وافرد جناحاتك
*****************
تمت كتابتها يوم 28/09/2010